|
Et verhaol achter de bend |
|
"... de raad-gekke bend PROMILAASJ: dees idiote sjpele alle goeie nummers van o.a. Rowwen Hèze, Janse Bagge, Neet oet Lottum en nummers wie "Rosie" en "Gabelstapelfuhrer" en "Viva Kolonia" etc.. Dus det moag geer neet misse !!!" (Kefee Woetsjtok)
Rondj december 2004 bedachte get menkes oet Ech eine limburgse teks op het nummer 'Viva Kolonia' vanne Hohner. Dees 'Echter versie' zoe veur et ieërs te huëre motte zeen op et Platsspektakel van 2005. In ein paar waeke tied waerdje get sjtraotmuzikante bereid gevonje mit te doon en zo woor Promilaasj gebaore. Ongeluifelik wat zo’n luuj waal neet doon veur get glaeskes beer…
'Viva de carnaval' waerde ein ieërbetoan aan Ech zellef; Et sjaone plaetske in et zuuje van et landj...
Det ieërste optraeje op 5 fibberwaarie 2005 bestong oet mer leefs twieë (!) leedjes, woarvan ein auch nog instrementaal! 'Hiej oppe Plats is et ummer bal!' dus... veur herhaling vatbaar!!
De ieerste versjiening woor zo’n succes det beslaote waerde, euverigens zonger aandringe van anger luuj, om door te gaon en het jaor d’rop wederom deil te numme aan ut Platsspektakel.
Mit ein paar leedjes ekstra in et rippertwaar waerde het spektakel van det jaor kaod mer knallend aafgesjlaote. 'Hofleveranseer' van covers woor det jaor (en eigelik nog steeds) Janse Bagge. Verlaege, Solliciteere en de Mek stonge neet allein vas oppe lies, mer auch wie ein hoes oppe bühn. Vaste aafsjloeter: Wahnsinn. Et twieëde en derdje nummer mit enne 'Promilaasj-teks' waerdje 'Dae migraine' en 'Witte kraag'. Vriej mekkelik te roaje woar die nummers euver gaon!
Nao weer ein gesjlaag Platsspektakel waerdje het duudelik tied veur get duchtige reepetisies om et lieske te kinne oetbreie.
Et ieërste optraeje boete de vastelaovend waor de Limburgse aovendj inne Stoba op 1 september 2006. Hiej speeldje Promilaasj als 'hoësbend' tusse de Schintaler, Repke Tepke, Frans Theunisz en Big Benny. Ein paar waeke later waor de Deeterse kermes ein geljig ekskuus om weer tekieër te gaon. En auch in november ging inne Koppel et daak d'raaf op et Zaate Hermeniekes Treffe van Z.H. Jonk Vleisj.
Ongertusse waerde de sets oëtgebreidj tot ein aovend vullendj programma, mit veurnamelik limburgstalige covers vanne Janse Bagge, Rowwen Hèze, Neet oét Lottum en de WW-bend; Eige versies van De Dijk en Doe Maar, en mitblaerders zoaës 'Skandal' en 'Wahnsinn' maake et spektakel kompleet. Neet allein oppe Plats, mer auch ver daoboete! Tot op d’n daag van vandaag blieve de men hun rippertwaar oetbreije en aug waere get eige tekste gesjreve op (on)bekendje nummers. De covers die de bend sjpeelt waere sjtuk veur sjtuk euvergaote mit un Promilaasj-suiske mit es motto: Heller en Sjneller…
Optraejes van de bend staon garant veur unne gooi bonne-verkaup, doosjtige luuj, kop-hauwende bewaeginge maar baovenal: Unne ganse aovend plezeer, mit of zonger beer! Promilaasj woar neet waat et is zónger:
Eddie Claessens: zank
Mark Vergoossen: gitaar
Sven van Veggel: basgitaar
Paul Pelzer: toetse en zank
Ivo Heijthuisen: kaetele en zank
Bas Heijthuisen: traöt
Alain Bos: traöt
Mit oppe achtergrondj:
J.v.V. oet E.: Zörgevader
L.T. oet E.: Fan #1
B.H. oet E.: Hófsjilder
W.S. en J.S vanne K. oet D.:Thoësbaasis-, vergader- en herrieruumtesjponsor
|
